Ішім өлген, сыртым сау,
Көрінгенге деймін-ау:
Бүгінгі дос - ертең жау,
Мен не қылдым, япырмау?!
Өз үйінде өзендей,
Күркірейді, айтса дау.
Кісі алдында кірбеңдеп,
Шабан, шардақ1 және шау2.
Мұндай ма едің ана күн,
Мұның қалай, батыр-ау?
Үш күн арқаң босаса,
Бола қалдың бас асау.
Жан қысылса, жайтаңдап,
Жанды еріткен жайдары-ау.
Жан жай тапса, сен неге
Жат мінезсің жабырқау?
Ұрлық пенен қулыққа,
Байлағанда, кестің бау.
Берерменде бесеусің,
Аларманда және алтау.
Топ болғанда көрерсің
Түрлі дауды жүз тарау.
Аяғында сендейлер,
Көрмей жүр ме қанталау?
Қайтып келер есікті,
Қатты серіппе, жарқын-ау!
Жетілсең де, жетсең де,
Керек күні бір бар-ау.
1 Дәрменсіз
2 Тосырқап, тоқырап қалу
Ішім өлген, сыртым сау
- ramuk_b
- 21 желтоқсан 2018
- 2726
- 0
Ілмек сөздер: Ішім өлген, сыртым сау, Ішім өлген, сыртым сау өлеңі, Абай Құнанбайұлының өлеңдері
Қызыл майдың емі күшті
Осыдан 15 жыл бұрын асқазаным ауырып, ішім тоқтамай қалған болатынмын....Анаға сағыныш
Анашым... сезесің бе шаршадым, Қара түнде жамылып ап көрпені, Еске алумен, жылауменен, Сені аңсадым!...Жауынды күні көп жүрме
Жауынды күні көп жүрме, Жар жағасы тайғақ-ты. Жаманға жақыным деп сөз айтпа, Күндердің күні болғанда, Сол жаман өз басыңа айғақ-ты! Асау тулап...Ашу туралы мақал-мәтелдер
Жақсы кісінің ашуы - шай орамал кепкенше. Қатты күркіреген күн Тез ашылады. Қатты ашуланған адам Тез басылады....Татьяна сөзі
(А. С. Пушкиннен) Тәңірі қосқан жар едің сен, Жар ете алмай кетіп ең. Ол кезімде бала едім мен, Аямасқа бекіп ең....Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.