Дүние бос қалды ғой сен кеткелі,
күлегеш достарды қой жер-көктегі:
ешбірі өзіңдей боп жүрегімді
шаттықтан не қайғыдан кернетпеді.
Ұйқыдан сен деп аштым жанарымды,
сенделдім, белден астым - дара. шыңды.
Көңілім құздан құлап жүрмін ессіз
жаутаңдап жетім қалған бала ғұрлы.
Жүремін асқақ басып - жанымда мұң,
сол мұңнан мүмкін емес арылмағым.
Сезсең де сезгің келмей жүрсің бәрін,
ал мен де біле көр деп жалынбадым.
Қақшиып жүрген болам, күлген болам.
Сенім жоқ. Төсек аяз. Түндер боран.
Оны тек сен білесің, мен білемін,
ұқшы деп кірістірем кімдерді оған.
Қаптаған жан-күйімді мұнар мынау,
мен үшін аспан мен Жер тұман-қырау.
Өзімді білсем егер, өзіңді мен
ешқашан жек көре алмайтын шығармын-ау.
Дүние бос қалды ғой сен кеткелі
- ramuk_b
- 6 қараша 2018
- 1107
- 0
Ілмек сөздер: Дүние бос қалды ғой сен кеткелі өлеңі, Фариза Оңғарсынованың өлеңдері
Есіл ер
Алдияр тақсыр ханымыз! Исатай батыр кеткелі Кеміді біздің сәніміз. Тілімді алсаң, тақсыр-ай,...Анаға сағыныш
Анашым... сезесің бе шаршадым, Қара түнде жамылып ап көрпені, Еске алумен, жылауменен, Сені аңсадым!...Дос болам десең
Дос болам десең, Досымды сыйла, қымбаттым! Досыңа сонда, Досыммен ғана қымбатпын....Бола бермес бәйгеде әркім алды
Бола бермес бәйгеде әркім алды, Жетем деген көп жерден көңілім қалды. Қақсам болдым барында қанатымды, Бақсам болды әлпештеп балаларды....Қыс
Жалп-жалп, жалп-жалп жауды қар. Тон киіндік, тоңды мал. Бұрқ-бұрқ, бұрқ-бұрқ боран бар, Боран жоқта тұман бар....Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.