Сайтқа кіру Тіркелу

Әлемді өзгерткің келсе - өзіңнен баста!

Әлемді өзгерткің келсе - өзіңнен баста!

Адам баласы осынау жарық дүниеге шыр етіп келіп, көзін ашқаннан соң - ақ «өмір» атты алып әлемнің титтей бір бөлшегі болып саналады.
Алғаш тәй - тәй басқан бүлдіршін уақыт өте келе мектеп табалдырығын аттайды, ұстаздары мен аяулы мектебінен ізгілік пен жақсылықтың алғашқы әліпбиін үйренеді.
Есейе келе үлкен өмірге араласып, оңы мен солын айыруға талаптанады. Осы уақыттар ішінде көкірек көзі бар адамның «Мен кіммін?» деген сауал қоятыны анық.
Бізді қоршаған әлем біздің өзімізден, өмірге деген көзқарасымыздан басталады деп ойлаймын.
Әлем дегеніміз не?
Әлемді өзгерту дегенді қалай түсінуге болады?
Мен әлемді өзгерте аламын ба?
Менің өз ойымша, әр адамның өзінің ішкі әлемі болады. Ішкі әлем дегеніміз - ішкі жан дүниең, ішкі пайымдауың, ішкі өзіндік көзқарасың.
Ақ пен қараның, күн мен түннің қарама - қарсылығы сияқты адамның ішкі дүниесінде де нәпсі мен қанағат, адалдық пен арамдық, жақсылық пен жамандықтың күресі, тайталасы жүріп тұратын сияқты.
Өзіңнің ішкі жан дүниеңді жақсылыққа бағыттасаң, адамдарға жақсылық ойласаң, дүниетанымыңды ізгілікке қарай бойлатсаң, міне, сонда ғана, өзіңмен - өзің тепе - теңдікте боласың деп ойлаймын.
Бүкіл әлемдегі адамдарды, бүкіл әлемді бірден өзгерту мүмкін болмас та. Бірақ өзіңді өзгерту арқылы әлемге деген көзқарасыңды өзгерте аласың.
Кей адамдар өмірге өкпелі, кейбірі туыстарына, достарына, ата - аналарына, тағдырына өкпелі.
Менің ойымша, адам өз өмірінің қожасы. Алдыңа мақсат қойып, сол мақсатқа жету жолына ұмтыла білсең, әр нәрсені ақылға салып, берік ұстанымың қалыптасса - бұл өмірде жоғалып кетпегенің.
Әртүрлі болып жатқан жағдайға ой көзімен қарап, өз - өзіңе есеп бере алсаң, өзіңді қоршаған дүниемен тепе - теңдікте болсаң, басқа адамдарды түсінуге әрекет жасай білсең - сен босқа өмір сүрмегенің.
«Әлем» сөзінің мағынасы кең. Менің ішкі дүнием - менің әлемім. Әлем - мынау жалпақ дүние. Сол үлкен әлемді өзгерту - өзіңнің ішкі дүниеңді ретке келтіру, кемшілігіңді саралап, түзетуге тырысу, ой - өрісіңді реттеу - міне, бұл әр адамның қолынан келетін дүние.
Абай атамыз «Өзіңе сен, өзіңді алып шығар, ақылың мен қайратың екі жақтап» - деп тегін айтпаған болар.
Ең әуелі, әлемді өзгерткің келсе, өзіңді өзгерт. Ойыңды түзе, бойыңды түзе. Осынау орасан зор әлемде өзіңмен – өзің келісіммен өмір сүрсең, жақсы – жаманыңды саралай білсең, адамзат баласына ақ ниетіңмен қарай алсаң, сен бұл өмірде босқа жүрмегенің...
Адамның бақытты болуы - болмауы да адамның өз қолында. Себебі адам өз өмірін өзі жасайды.

Қарағанды облысы,
«Балқаш қаласы Абай атындағы №2 лицей» КММ
8 «А» сынып оқушысы Николаева Назерке
Пән мұғалімі: Байкулова К. М.
Кері қайту
Loading...
Ұқсас жаңалықтар:
Нашақорлық ғасыр дерті

Нашақорлық ғасыр дерті

Нашақорлық тағдырына айналғандай адамның, Жас ұрпақтың болашақ тағдырына алаң кім? Өзгертеді, өксітеді өмірін наша адамның, Жас ұрпақ тек салауатты...
Әлемді түгел көрсе де

Әлемді түгел көрсе де

Әлемді түгел көрсе де, Алтын үйге кірсе де, Аспанда жұлдыз аралап, Ай нұрын ұстап мінсе де Қызыққа тоймас адамзат....
Психология тест

Психология тест

Психика – бұл, артығын сызыңыз: А) объективтік өмірдің субъективтік образы В) біздің түйсінуіміз, қабылдануымыз, есте сақтау, елестету, ойлау, қиял,...
Өзіңді басқаруды үйрен!

Өзіңді басқаруды үйрен!

Адам – өз өмірінің суретшісі. Ол өмірді сырлап бояуға, оған ажар, түр беруге, оны әшекейлеп өрнектеуге еңбек етеді....
Әлемді өзгерткің келсе өзіңнен баста

Әлемді өзгерткің келсе өзіңнен баста

Адам - әлемнің бір бөлігі. Оның түп негізі де болмыстан, жан мен тәннен құралады. Өмір атты ұзақ жолда барлығымыз да жолаушымыз. Аз ғана ғұмырымызда...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету