Сайтқа кіру Тіркелу

Жағымпаздың соңғы қатесі

Бағзы заманда бір қаланың ақкөңіл әрі өте жақсы бір басқарушысы болыпты. Басқарушы таныса да, танымаса да елдің бәрімен амандасып, жағдайын сұрайды екен. Өзіне ісі түскендерге де қуана көмектеседі.

Бұл ақкөңіл басқарушының бір жаман мінезі кім не десе соған бірден сенеді екен.

Күндердің күнінде басқарушының жанына жағымпаз және өзімшіл бір көмекші тағайындалыпты. Бірақ ол қала халқына мүлде жақсы қарамапты. Көңілінен шыққанға көмектесіп, көңілі қаламағанға көмектеспепті. Әрі ұнатпаған адамдарын басқарушыға жамандайды екен.

Уақыт өте келе қала тұрғындары оған ренішін білдіре бастапты. Халықтың басқарушыға деген көзқарасы да бұрынғыдай емес, өзгере бастапты. Халықтың бұл наразылығы падишахтың да құлағына жетіпті.

Падишах басқарушыны сол күнге дейін ешқашан көрмеген, бірақ жасаған істеріне қарай оны ұнатады екен. Сондықтан оны өз көзімен көрмей, сұрастырмай қызметінен шығарғысы келмепті.

Бір күні үстіндегі киімін ауыстырып, ақкөңіл басқарушының тұрып жатқан қаласына барыпты. Қонақүйде оны алдымен басқарушының жағымпаз көмекшісі қарсы алыпты. Үстіндегі киімін ауыстырған падишахты танымай, одан не қалайтынын ашуланып сұрапты. Падишах оған:

– Өте маңызды бір іс үшін ауыл ағасымен кездескім келеді, – деп жауап беріпті. Көмекші:

– Басқарушының құзырына келуге қалай ғана сенің батылың барады. Жылдам кет, бұл жерден, – деп айқай салыпты. Падишах:

– Менің өте бір маңызды ісім бар. Міндетті түрде оны көруім керек, – деп аузын ашып жиғанша, жағымпаз қызметшілерді шақырып, падишахты қуып жібермекші болыпты. Сол кезде күңгірлеген дауысты естіген басқарушы не болып жатқанын сұрапты. Падишах:

– Құрметті басқарушы, сізбен көріскім келіп еді. Көмекшіңіз рұқсат бермеді, – депті. Басқарушы да падишахты танымайды екен, бірақ «Келіңіз, келіңіз» деп күлімсіреп жылы шырай танытып сәлемдесіпті. Сөзін өткізе алмаған көмекші бірден араға түсіп, басқарушыға: «Қымбатты басқарушым, мен бұл адамды жақсы танимын. Суайттың біреуі. Абайлаңыз онымен кездессеңіз басыңызға бәле келеді» – деп, падишахты кездеспеуге көндіріпті. Сосын оған:

– Басқарушының бір жұмысы бар. Сенімен кездеспейді, – депті.

Падишах сарайына ренжіп қайтыпты. Сол күні хабар жіберіп, басқарушы мен көмекшісін сарайға алдырыпты. Екеуі де падишахтың құзырына келіпті. Падишахтың алдында көмекшінің жерге иілгені соншалық, падишах біразға дейін оның жүзін көре алмапты. Бірақ басқарушы табалдырықтан аттай сала, падишахты танып, жүгіріп барып оның қолын сүйіп, кешірім сұрапты. Жағымпаз сол кезде ғана падишахтың бетіне қарап, істеген қателігін түсініп, падишахтың аяғына жығылып, кешіруін өтініпті. Бірақ падишах жағымпазды кешірмей, жұмыстан қуып жіберіпті. Ақкөңіл басқарушыға басқаның ығымен кетпей, өз көңілінің қалауынша әрекет етуін және шешім қабылдайтын кезде бірнеше кісінің ойын біліп, соған қарай шешім қабылдау керектігі жөнінде кеңес беріпті. Басқарушы падишахтың кеңестерін сол күннен бастап жүзеге асырып, қайтадан қала халқының сенімінен шығыпты.
Кері қайту
Ұқсас жаңалықтар:
Салықтан құтқарған сөз

Салықтан құтқарған сөз

Баяғыда бір кедей көшерге көлігі болмастан, жыл сайын қыстауда қала береді екен. Бір күні оның үйіне елді сүлікше сорған бір ұлық келіпті....
Лайықты сабақ

Лайықты сабақ

Бір күні жігіт түс көреді. Түсінде киелі жерлерге зиярат етіп жүр екен. Әулие - әнбиелер мен абыздардың жиынына әкесіне ілесе барғанын көреді....
Адамның жүрегі қандай болса тілінен сондай сөз шығады

Адамның жүрегі қандай болса тілінен сондай сөз шығады

Ақкөңіл, сабырлы, даналығымен аты шыққан бір адам өмір сүреді. Оның кіріскен әрбір жұмыс сәтті аяқталатын. Барлығы құрметтеп, кеңес алу үшін оған жиі...
Ең әдемі гүл

Ең әдемі гүл

Баяғы өткен заманда бір қалашықта әлемнің ең сұлу қызы өмір сүріпті. Қыздың сұлулығы соншалық, оны көру үшін өте алыс шаһарлардан, елдерден өте бай,...
Қарлығаш

Қарлығаш

Ертеде бір бес ағайынды жігіт бар екен. Бесеуі бір байтеректің қасына жарты жер салған екен. Егіні піскен соң, түнде келіп біреу жеп кетеді екен....
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×