Ландшафт – табиғи құрамдар, климат, бедер, су, топырақ, өсімдіктер мен жануарлар әлемі, өзара байланысып, тұтасып жатқан, айнала шегі мен шектеуі бар құрлық бетінің біркелкі учаскесі.
Ландшафт туралы алғашқы ілімнің негізін салушы В. В Дакучаевтың анықтамасы бойынша топырақтың типі мен оның қасиеттерін, атап айтқанда, құнарын, ландшафт жасайтын факторлардың динамикасы мен ондағы зат пен энергия ағынының қозғалысын анықтайды. Бүкіл аумағында физикалық географиялық жағдайы біркелкі болатын құрлық бетінің кейбір бөліктерін ландшафт деп атайды. (Б. Б. Полынов. 1956).
Ол енгізген элементарлық ландшафт туралы ұғым бойынша кез келген ландшафтта топырақтың типі мен түрлері сақталады және олардың осындай үйлесімділігі қайталанып отырады.
Әрине, ландшафт туралы ұғым зерттеушілердің арасында көпшілік мойындаған ортақ түсінікке бірден ие боған жоқ. Ол заңды да. Атап айтатын болсақ, В. А. Ковда (1973) биогеоценоз (экосистема) бен ландшафт бір мағыналы деп қарайтын сыңайлы.
Оның анықтауы бойынша топографиялық, зоологиялық, топырақ, гидрологиялық және геохимиялық тұрғыдан біркелкі келетін жер бетінің немесе су бетінің бөлігі биогеоценоз (экожүйе) болып табылады.
Назар аударыңыз! Жасырын мәтінді көру үшін сізге сайтқа тіркелу қажет.
