«Машина жасау»

Мақсаты: Балаларды көлік түрлерімен таныстыра отырып, білімдерін толықтыру, ойлау қабілеттерін дамыту.Сөздік қорын байыту, бауырмалдылыққа, адамгершілікке тәрбиелеу. Саусақ моторикаларын дамыту

Әдіс-тәсілі: түсіндіру, көрсету, әңгімелесу, сұрақ-жауап.
Көрнекіліктер: көлік түрлері, құрастырмалы кубиктер, машина
Сөздік жұмыс: машина,дөңгелек, рулі
- Балалар қарайықшы, жоғарыда не тұр?
- Күн тұр.
- Күн бізге жылуын беріп жылытады, біз қуанамыз, қане біз қалай қуанамыз көрсетейікші.
- Алақай, алақай!

(Осы кезде топқа машина айдаған бала келіп кіреді)
- Сәлеметсіңдер ме, балалар!
- Сәлеметсің бе, балақай, сенің атың кім?
- Менің атым Бекжан, мен өзімнің машинаммен ойнап жүрмін.
- Ой, қандай әдемі машина, балалар қараңдаршы Бекжанның машинасы үлкен екен, біздің топта машина бар ма, кім маған көрсетеді.
(Үлкен, кішіні салыстырту)

- Машинаның түсі сары, оның рулі, дөңгелектері бар екен. (Таныстыра отырып, балаларға қайталату)
- Бекжан саған машинаны кім алып берді?
- Мамам алып берді,мен жалғыз өзім ойнап жалығып кеттім, менің машинамда көптеген құрастырмалы пішіндер бар, балалармен бірге ойнасам бола ма?
- Әрине болады, балалар Бекжанмен бірге ойнаймыз ба?
- Ия, ойнаймыз.
- Ендеше бұл құрастырмалы пішіндерден машина жасайық.
Балаларға жасалу жолын көрсету, балалармен бірге жұмыс жасау, көмектесу.
Сергіту жаттығуы:
Бап, бап, бап дейді,
Жолдан былай кет дейді.
Күшікті басуға болмайды
Болмайды машина.

Бип, бип, бип дейді,
Жол шетінде күт дейді.
Көшеде асығыс жүруге
Болмайды, болмайды машина.
Балалар, машина бізді баратын жерімізге тез жеткізеді. Бірақ оның жағымсыз жері де бар, көшеде абай болмасақ, ол басып кетуі мүмкін.
Балалар, бізге көптеген ойыншық әкеліп ойнатқан Бекжанға рахмет айтайық.
- Рахмет, Бекжан! Сау бол!

Күтілетін нәтиже:
Білуі: Машинамен танысып, қайталап айтады.
Меңгеруі: Пішіндерден машина құрастырып үйренеді
Жасай алуы: Өз беттерінше жұмыс жасауға дағдыланады.