Ұлы педагог Сухомлинский: "Ойынсыз, музыкасыз, ертегісіз ойсыз толық мәнінде ақыл - ой тәрбиесі болмайды" деп санайды. Демек мектеп жасына дейінгі балалардың оқуға, білімге деген ынтасын мүмкіндіктерін толық пайдаланып, оларды оқу үрдісінде үздіксіз дамыту сабақта алған білімдерін практикада қолдану дағдыларын қалыптастыру үшін ойын түрлерін қолданудың орны ерекше. Тиімді қолданған ойын түрлері ұстаздың түсіндірген материалын баланың зор ынтамен тыңдап, берік меңгеруіне көмектеседі.
Ойын – қабілеті шектелген балалар үшін оқу да, еңбек те. Қандай ойын болмасын баланы бір нәрсеге үйретеді. Ойын – айналадағы дүниетанымын, ауыз екі сөйлеу тілін, сөйлеу мәдениетін, ой - өрісін, тіл дамуын жетілдіреді. Оқу деңгейі төмен балалардың өздері де ойынға қатысып, сабаққа деген қызығушылығын арттыра түседі. Ойын баланың психикасына әсер етіп, сапалы өзгерістер туғызады. Ойын түрінде ұйымдастырылған сабақ біздің балаларға жеңіл, әрі тартымды, әрі түсінікті болады. Ойын – оқу үрдісіндегі оқытудың әрі формасы, әрі әдісі ретінде дербес дидактикалық категория. Сонымен бірге ойын ұстазбен баланың бірлескен оқу әрекетінің өзара байланысы. Мектеп жасына дейінгі балалардың негізгі әрекеті ойын, сондықтан оқу – тәрбие үрдісінің негізін ойын түрінде ұйымдастыру қажет.
Назар аударыңыз! Жасырын мәтінді көру үшін сізге сайтқа тіркелу қажет.
