Түнде менің түсіме жиі енеді
Сахараның шұбырған түйелері.
Түйенің өркешінде жыр боталап,
Түйенің боздауынан күй өледі.
Ұқсамайды жасаулы керуенге,
Көрікбейді серілер перілер де.
Аспан, мұхит арқылы қатынасып,
Керуеннен адамдар жеріген бе?!
Көн табанын күйдірсін, өртесін не,
Көнеді бәріне олар жер төсінде.
Кім айтар алгебра туған жоқ деп,
Осынау түйелердің өркешінде.
Түйелер - алыс сапар жолдың басы.
(Құмға оларды иесіз қор қылмашы?!)
Түйе деген - көтергіш крандардың
Көзі тірі көне бір формуласы.
Сүтін ішіп, шудасын кие жүріп,
Қастерлейік түйені сүйе біліп.
Түйелер...
Түйелерді тірі ұстайық,
Бармаспыз болашаққа түйе мініп.
Екіталай күндерде иелері,
Азап-сорын атанға тиеп еді,
Атанына арқасын сүйеп еді,
...Атан байғұс несіне сүйенеді?!
Сондықтан ба, түсіме жиі енеді
Сахараның шұбырған түйелері.
Сахараның шұбырған түйелері
- ramuk_b
- 19 желтоқсан 2018
- 1571
- 0
Ілмек сөздер: Сахараның шұбырған түйелері, Сахараның шұбырған түйелері өлеңі, Мұқағали Мақатаевтың өлеңдері
Төрт түлік мал туралы мақал мәтелдер
Қой қорасына тартады, Жігіт жорасына тартады. Қыста қойыңды бақ, Жазда шөбіңді шап!...Түйе туралы мақал-мәтелдер
Түйе — шудасын, Жылқы жалын, Сиыр мүйізін төсейді. Түйе байлық, жылқы мырзалық....Түйе
Сабақтың мақсаты: Түйе туралы жырды түсініп оқып суреттеу, шудасы, төлі, жүрісі туралы мағлұмат беру. Оқушыларға мақал - мәтел, жұмбақ шешу арқылы...Түйе - шөлге бейім жануар
Қарағанды облысы, Жезқазған қаласы, “№ 21 жалпы орта білім беретін мектебі“ КММ 2 «б» сынып оқушысы Нұрланова Томирис Жетекшісі: Ермаханова Т. Е....Түйе малының қазақша атауларының ұлттық-танымдық сипаты
Маңғыстау облысы, Маңғыстау ауданы, Онды орта мектебінің 7 - сынып оқушысы Бектұрғанов Алтынғали...Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.