Сайтқа кіру Тіркелу

Ақымақ есек

Ақымақ есек
Баяғы заманда боз түйе, сұр ат, ала сиыр, қоңыр қой, сары ешкі, қара есек болыпты. Долы қара есек дөрекі дауысымен жануарларға орынсыз ақыра береді екен.
Түйенің істеген жұмысын «мен істедім» деп мақтанатын көрінеді. Өтірік айтып атқа, сиырды тептіретін болыпты. Өсек айтып қой мен ешкіні сүзістіріп қойыпты.
Есерсоқ есектің ерсі мінезін күзетші ит байқап қалады. Көрген, білгенін ақыл иесі – адамға жеткізеді. Адам жануарларды сынау үшін барлығын алдына шақырады.
Адамға жақсы көрінгісі келген есек қара терісін аққа боятады.
Ал қалған жануарлар бойларындағы жақсы қасиеттерімен көзге түсуге тырысады.
Түйе төзімділігімен, күштілігімен көзге түседі.
Ат адалдығымен әрі жүйріктігімен еленеді.
Сиыр сүттілігімен, құрт майымен қызықтырады.
Қой өсімталдығымен, сезімділігімен сүйсіндіреді.
Ешкі сары алтындай жібек жүнімен таңырқатады.
Есек болса боялған түрімен күлкілі көрініп, ақымақтығын көрсетіп қояды.
Жануарлардың қасиеттерін білген адам сол күннен бастап төрт - түлік малға қора салып, күтім жасайды. Жануарлар тату - тәтті тұрып, оған қызмет етеді. Ал ақымақ есекті көлік ретінде пайдаланып қара жұмысқа салады.
Ақымақ есек әлі күнге шейін ақырғанда өзін мықты сезініп қалады екен. Бірақ оған ешкім мән бермейтін болыпты.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×