Сайтқа кіру Тіркелу

Жастық шақ туралы ұлағатты сөздер

Жас сыны: қырықта — қынаптағы қылыштаймын, елуде - әр қиынға жұмыстаймын, алпысымда — ашқарақ бөрідеймін, жетпісте — шала илеген терідеймін, жетпістен асып, сексенге келгенімде — кері кеткен перідеймін, тоқсанға келгенімде — торғайдаймын: атқа мініп, малымды зорға айдаймын, кемпір мен шалдан билік кеткеннен соң, отырып от басында ойбайлаймын. Тоқсан бесте - мен өзім тор болғамын, мүләйім отқа салған бор болғамын, кәрілік әбден езіп болғаннан соң – баланың баласына қор болғамын.
Шал Құлекеұлы

Жасық жас - өкінішпен өседі, қайратты қарт — тыныш өмір кешеді.
Жүсіп Баласағұни

Жастық шақ қазіргісін ғана ойласа, кемел жас бүгінгісін де, бұрынғысын да, болашағын да елеусіз қалдырмайды.
Фернандо де Рохас

Жастық кез— толассыз елту, ақыл-ой безгегі.
Франсуа де Ларошфуко

Жас кезде қателесуден қорықпалық. Қайта солардан сабақ алалық. Қартайғанша қателесумен өмір өткізуден сақтасын.
Иоганн Вольфганг фон Гёте

Жастықтың қалай өтіп жатқанын ешкім де аңғармайды, ал өтіп кеткенін сезгенде әркім "Аһ" ұрады.
Сенека

Жастық шақ — ерлік жасар кезең.
Мари-Анри Бейль Стендаль

Жастық — жиһандағы ұлы тылсым.
Александр Пушкин

Жастық шағың — жарқын жаздың бейнесі,
Құтты жаздың ала алсаң жоқ, бермесі.
Сәбит Мұқанов

Жасында көргені жоқтың, өскенде айтары да жоқ.
Ғабиден Мұстафин

Қайран жастық! Жастық!.. Бәлкім сенің ғажаптығың бәрін де тындыра аламын деп ойлау мүмкіндігіңде болар-ау.
Иван Тургенев

Болған шақтың өз сұлулығы бар, өз қызуы ұшқырлығы бар.
Ғабит Мүсірепов

Жастық шақ — ең үлкен сиқыршы.
Александр Пушкин

Мен сізді жас деп айтпағаныма ренжімеңіз. Себебі жастық шақ – ең тез өтіп кететін кез.
Агата Кристи

Жасында тырысқан - қартайғанда қуанады.
Махмұд Қашқари

Әдетте егде жастағы кісілер жастарға ақша жинауға кеңес беріп жатады. Бұл нашар кеңес. Бес теңгеліктер жинамаңыздар. Мен 40 жасқа жеткенше өмірімде бірде бір рет доллар да жинап көрмеппін.
Генри Форд

Ақиық қыран қартайса,
Жас жағалтайдан тепкі жейді.
Майқы би

Жастық адамға бір-ақ рет беріледі, мұның басқа жас кезеңдерінен ерекшелігі — барлық әдемілік атаулымен асқаралы мұратқа бір табан жақындығы.
Виссарион Белинский

Мен жас кезімде революцияшыл болдым. Ақыл тоқтатып, ақ пен қараны ажырата алатын шақта консерватор болуға бекіндім.
Уинстон Черчилль

Жастық шақ - әсем зат, оны жастардың оңды-солды шашуы қылмыс.
Бернард Шоу

Жастықтың бойынан парықсыз паңдық емес, өз өнерінің күшіне сенер мығымдық тапқан қандай жақсы.
Ғабит Мүсірепов

Балғын шақтың өз сұлулығы бар, өз қызуы, ұшқырлығы бар.
Ғабит Мүсірепов

Жастықтан бір күлгенің, мың қаралық.
Абай Құнанбайұлы

Жиырма жас тарихи ерліктер жасайтын жас.Осыған әрқашанда әзір болу керек.
Бауыржан Момышұлы

Адам өмірінің биік шыңы — жастық.
Иоганн Вольфганг фон Гёте

Жастық армандамаса, адам өмірі бір нүктеде қатып қалар еді, міне содан да жастық қиялының жарқ-жұрқ еткен қабығы ішінде ұлы-ұлы мұраттардың дәні көзден таса құпия өсіп-өніп шыққан ғой.
Константин Ушинский

Жастық – арман. Бұл – сенім. Бұл – ерлікке құштарлық. Бұл әрі лирика, әрі романтика. Бұл – болашақ жөніндегі үлкен-үлкен жоспарлар. Бұл – болашақ атаулының бастауы.
Назым Хикмет Ран

Он бес жас — құйын қуған желмен тең, жиырма жас — дауыл ұрған көлмен тең, отыз бес — ағып жатқан селмен тең, қырық бес — аю аспас белмен тең, жетпіс бесте - өр көңілің жермен тең. Сексенде — селкілдеген шал боларсың, тоқсанда — сексенге де зар боларсың, жүзге келсең — дүние қызығынан күдеріңді үз: өлмей тірі жүргенге мәз боларсың.
Жиренше шешен

Жиырма деген жасыңыз
Ағып жатқан бұлақтай,
Отыз деген жасыңыз
Жарға ойнаған лақтай.
Қырық деген жасыңыз
Ерттеп қойған құр аттай.
Елу деген жасыңыз
О да бір көшкен ел екен,
Алпыс деген жасыңыз
Қайғылы - мұңлы күн екен,
Сексен деген жасыңыз
Қараңғы тұман түн екен,
Тоқсан деген жасында
Ажалдан басқа жоқ екен.
Бұқар жырау

Суарған семсер секілді, жастықта жатпа, жайраңда!
Бернияз Күлеев

Жаннан безген жырдан басқа, жас жүректің кімі бар?!
Бернияз Күлеев

Кәріге жігітшілік жараспайды.
Құтып

Гимнастика адамның жастық шағын ұзартады.
Джон Локк

Жас та өтер, бірте-бірте кәрі де өтер,
Баянсыз бұл жалғанның бәрі бекер.
Жаһанда мәңгі жасар жан жоқ, сірә,
Кетеміз, кетті, келер, тағы кетер...
Омар Хайям
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×