Сайтқа кіру Тіркелу

загрузка...

Денсаулықтың достары

Ақтөбе облысы,
Ақтөбе қаласы, «Сымбат» жеке мектебі
Бастауыш сынып мұғалім
Макуова Нуршат Аманкосовна

Тақырыбы: Денсаулықтың достары

Мақсаты: Жас желектей өсіп келе жатқан бүлдіршіндердің санасына ішімдік, темекі, есірткінің адам баласын аздыртатынын, одан бойын аулақ ұстау жақтарын ертегі арқылы дәлелдеп түсіндіру. Оқушыларды мектеп партасынан –ақ жаман әдеттерден аулақ болып, өскен ортада тек қана жақсы әдеттерді бойына сіңіруге баулу. Салауатты өмір салтына тәрбиелеу.

Түрі: Ертегі
Жүрісі: І. Ұйымдастыру
Оқушыларды ертегіге дайындау.
ІІ. Негізгі бөлім
Ертегі
Денсаулықтың достары
Автор: Ерте-ерте ертеде,
Ең әдемі өлкеде,
Денсаулық атты хан бопты,
Жайдарлы мінез жан бопты.
Халқының қамын ойлапты,
Ойларына ой сапты.
Қайғысына қайғырып,
Қуанышын тойлапты.
Тамашалап көруге
Қонақтар келді алыстан.
Темекі:
- Естіп, біліп жатырмыз,
Хан екенсің "арыстан"
Автор:
Қонақтарың құрметпен,
Қарсы алыпты, жайлапты.
Білу үшін жақыннан,
Танысуды ойлапты.

- Алдымен ортаға Арақ шығыпты.
Арақ:
Мен арақпын, арақпын,
Мәңгілікке бәрімен,
Дос болуға жараппын.
Көтеремін көңілді,
Кіргіземін өңіңді.
Дос болсаңдар менімен,
Сүйесіңдер өмірді.

Темекі:
Менің атым - Темекі,
Қолымнан бәрі келеді.
Жағымды иіс, түтіннен,
Соңымнан бәрі ереді.
Еріккенде адамға,
Табыламын әманда,
Қолымды алса, жаман ба?!
Есірткі:
Мен-Есірткі батырмын,
Тармағы көп атымның,
Жақын тартса кім мені,
Ұмытар қайғы атын тым.
Білсеңіздер бұл да бір
Мықтылығы затымның.
Автор:
Таныстырды осылай,
Қонақтар келген өздерін.
Денсаулық
Патша олардың,
Тыңдапты ұйып сөздерін.
Хан:
Пайдаларың тисе егер
Тұра берің сарайда
Көмек қолын созатын
Дос болыңдар, жарай ма?!
Автор:
Есірткі, Арақ, Темекі,
Оларға сол ғой керегі.
Оңашада отырып,
Қылды ханды келеке.

Сарайды темекі шарлады,
Көк түтінмен улады.
Арақ ішіп, мас болған
Адамдар күліп, шулады.

Есірткіге егіліп,
Нашақор болды желігіп.
Апиын, көкнәр түрлері,
Адамға жатты беріліп.

Азып кетті аз күнде
Сарай іші осылай.
Береке кетті ханнан да,
Бұл, болмаған тосын жай.

Денсаулық патша сасады.
Дегбірі әбден қашады.
Басы айналды, дел-салдық,
Еріншектік, енжарлық,
Иығынан басады. . .

Сарайға кірді бір күні,
"Ақыл" атты қария.
Сарайдың азып тозғаны,
Болған елге жария.

Ақыл:
Денсаулық патшам бұның не?
Демексің қалай еліңе.
Аздырған сені не жағдай,
Аз ғана уақыт ішінде.

Автор: Білмеді патша не дерін,
Айта алмады себебін.
Есіне алды жай ғана,
Бақытты өткен күндерін.

Түсініп Ақыл мән-жайды,
Алдырды тез арада
Қонақтарды жай-жайғы.

Арақ: Мен арақпын, арақпын,
Жолаған жанға азаппын
Отбасыңды ойран ғып,
Тартқызамын азап, мұң
Ха-ха-ха

Темекі:Менің атым-Темекі,
Қолымнан бәрі келеді.
Түтініме улаймын,
Өкпеңе самала жинаймын.

Сарғайтамын тісіңді,
Бастырмай алға ісіңді,
Бұзамын жүйке жүйесін.
Сонда ғана сен менің,
Зиянды екенімді білерсің.
Хе-хе-хе

Есірткі: Мен Есірткі батырмын.
Мол ақшаға сатылдым.
Қолданған мені адамның,
Өмірін қиып жатырмын.

Зияным көп адамға,
Жақсылық жоқ санамда.
Пайдаланған мені адам,
Нашақор болар, табанда.
Ха-ха-ха

Хан: Не деп кетті мыналар,
Жан бар ма екен жазалар?
Зиян болған үшеуін,
Деру қане, ұстаңдар!

Автор:
Жан керек-ау батылды,
Күштері көп, басымды,
Жанында жүрген достарын,
Көмекке Ақыл шақырды.

Білім, Еңбек, Спортта,
Жүгіре жетті жанына.
Ұстап алып үшеуін,
Тастады терең зынданға.

Білім: Мен біліммін, керекпін,
Жақсы істерге себеппін.
Оқу, ғылым, біліммін,
Дос болыңыз демекпін.

Еңбек: Дос болған адам менімен,
Қиындықты жеңеді,
Еңбек етсең ерінбей,
Тоқ боларсың үнемі.

Спорт:Спортты серік етіңіз,
Мақтаулы сөздер естіңіз.
Талайы биік шыңдарға,
Менімен бірге жетіңіз.

Ақыл:Не дегені, бұлары,
Дейін қалай сөздерің
Мына маған ұнады.
Еңбек, Спорт, Біліммен
Адам жаны толады.
Айрылмастай жүріңдер
Айтсын ел-жұрт сендерді
Денсаулықтың достары. . .

Жайма шуақ күн кешіп,
Жүріп жатты ел-жұрты.
Татулық, бірлік жарасып,
Ел болыпты ең мықты.

ІІІ. Қорытындылау.
- Ертегіден бойларыңа қандай жақсы , ізгі әдеттерді сіңірдіңдер?
- Оқушылар зиянды заттарды ажырата білеміз бе?
Зиянды заттардан аулақ болу қажет екенін естен шығармағанымыз жөн.
Ертегі кейіпкерлерімен таныстырып, қатынасушы оқушыларды марапаттау.
Кері қайту
Ұқсас жаңалықтар:
«Жасөспірім және зиянды әдеттер»

«Жасөспірім және зиянды әдеттер»

Шығыс Қазақстан облысы, Жарма ауданы, Қалбатау ауылы Абай атындағы көпсалалы мектеп - гимназия психологы Садвакасова Индира Қайратқызы...
Темекі-денсаулық дұшпаны

Темекі-денсаулық дұшпаны

Алматы облысы, Қаратал ауданы, Жұбан Молдағалиев атындағы МДШО бар орта мектебінің биология пәнінің мұғалімі Иманкулова Гүлнұр Қалымбекқызы...
«Темекі тартқаның-өзіңді құртқаның»

«Темекі тартқаның-өзіңді құртқаның»

Қызылорда қаласы Талдыарал елді мекені № 215 орта мектебінің жоғары санатты математика пәні мұғалімі Абдикаримова Гаухар Абдикаликовна...
Темекі мен нашақорлық – денсаулық  дұшпаны

Темекі мен нашақорлық – денсаулық дұшпаны

Алматы облысы, Қаратал ауданы, Көкпекті ауылы, Жұбан Молдағалиев атындағы МДШО бар орта мектебі География пәнінің мұғалімі: Дандыбаев Ерлан...
Болашаққа денсаулықпен бірге барайық!

Болашаққа денсаулықпен бірге барайық!

Павлодар облысы, Екібастұз қаласы, №18 жалпы орта білім беретін мектебінің бастауыш сынып мұғалімі Касимова Роза Алпысбаевна...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Ашық сабақ, Бастауыш, Информатика, Күнделікті сабақ жоспары, Русский язык, Сабақ жоспары, Тәуелсіздік, Физика, Химия, ана тілі, ашық сабақ жоспары, ашық тәрбие сағаты, ағылшын тілі, бала бақша, бала-бақша, балабақша, бастауыш сынып, баяндама, биология, география, дүниетану, ертеңгілік, математика, орыс тілі, презентация, сабақ, сайыс, сайыс сабақ, сауат ашу, сценарий, тарих, технология, тәрбие, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, әдебиет, әдебиеттік оқу

Барлық тегтерді көрсету