Сайтқа кіру Тіркелу

Жығылмасын махаббаттың жалауы

(жігіт сөзі)
Сезім сәттің айтсақ та оңай ұранын,
Өмір бір күн тоса қояр сұрағын -
Дедің-дағы, сол сезімнің Сен бірде
Биігі мен тауы не деп сұрадың.

Жанарларда қандай сыр бар бүгілмек,
Меңзедің бе сол жаныма үңіл деп.
Сенім дедің сосын тауы сезімнің,
Қос жүректе қатар тұрып білінбек.

Сол биікті қанша-дағы аңсарсың,
Сеніміңе бірақ та өзге тамсансын.
Сезіміміз жүректерден өріліп,
Таудан ағар өзен болып ән салсын.

Әрқашанда сол сенімнің күшін ұқ,
Алу үшін махаббатты түсініп.
Шын сезімнің тауы асқақ болады,
Сол биіктен алма дедің түсіріп.

Көңіл шығын таң шапағы жұбатып,
Арман жолдың адалдығын ұнатып,
Махаббатты өмір жолда сынатып
Содан бері жылжып өтті уақыт.

Талай мәрте ұшырасып сынаққа,
Ортақ арман салса да әнін жырақта.
Серт семсері сынбады да, биіктен
Сенім жүгін түсірмедік бірақ та.

Демесек те үлкен сынға бара қал,
Айтпасақ та мүлде өзгеше бола қал.
Асқақтаттық сенім шыңын, бұл күнде
Желбірейді көгінде қыз орамал.

Бірде түлеп, бірде арманда торықтым,
Сен де арманды қайта таптың, жолықтың.
Желбіреген қыз орамал биіктен
Махаббаттың туы екен, соны ұқтым.

Сезім сыры бүгін бізге бағалы,
Ортақ арман күліп әнін салады.
Асқақ көктен қол бұлғасын сенімдер,
Жығылмасын махаббаттың жалауы!
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×