Күн қақты ердің астында
Көп жүгіретін күлік бар.
Көн садақтың ішінде
Көбе бұзар жебе бар.
Қарайғанның, жігіттер,
Бәрін кісі демеңіз -
Күпе-күндіз тайраңдап,
Түзге шықпас ерлер бар.
Тауда болар тарғыл тас,
Тарықса шығар көзден жас.
Ордалыға көз салсаң,
Оғы қалса жоғалмас.
Топтан озған тарлан боз,
Тұрасынан айрылса,
Тасты басып тұра алмас.
Асылдан болат ұл туса,
Екі жақ болып тұрғанда,
Егескен жерде шарт кетер,
Жауырынынан өтін алса да
Жамандарға жалынбас!
Туған ұлдан не пайда?
Алтын тақты хандардың
Хандығынан не пайда,
Қаріп пенен қасірге
Туралық ісі болмаса?
Алаштың байлығынан не пайда,
Құланнан басқа ел таппай,
Қонарына жер таппай,
Маңқиған сары даладан
Екіндіде құлаған
Тарығып келген ерлерге
Қайыры оның болмаса?
Ақ жұмыртқа, сары уыз,
Әлпештеп қолда өсірген
Туған ұлдан не пайда,
Қолына найза алмаса,
Атаның жолын қумаса?!
Ұл туса
- ramuk_b
- 8 қазан 2018
- 1995
- 0
Ілмек сөздер: Ұл туса өлеңі, Махамбет Өтемісұлы, Махамбет Өтемісұлының өлеңдері
Ұл, қыз туралы ұлағатты сөздер
Анадан өнеге көрмеген қыз жаман. Атадан өнеге алмаған ұл жаман. Қорқыт ата...Естірту
Асқар, асқар, асқар тау, Асқар таудың басына Балапан ұшып шыға алмас. Сұңқардан қыран құс болмас, Соқтасы қатпай аң алмас....Асқар таудың сәні жоқ
Асқар таудың сәні жоқ, Төрт түліктің қонысы, Басылмайтын сонысы, Көк майса белі болмаса;...Көкте бұлт сөгілсе
Көкте бұлт сөгілсе, Көктеп болмас, не пайда; Көкіректен жан шықса, Қайтып келмес, не пайда; Дін пұсырман болмаса, Тіл пұсырман не пайда;...Ұзатылайын деп жатқан қызға
Ешнәрсе ойламайды қыз жасында, Атаның бұлғақтайды ортасында. Қадірі ата - анаға ұлдан артық, Бөтеннін тең көрмейді мырзасына....Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.