Сайтқа кіру Тіркелу
загрузка...

Әдеп туралы мақал-мәтелдер

Әдепсіз бала
Ауыздықсыз атпен тең
Ақылды кәрия
Жазып қойған хатпен тең.

Әдепті бала өсірсең,
Ауылдың абыройы.
Ақылды жігіт өсірсең,
Атырабыңның абыройы.

Әдепті елдің қыздары —
Қырмызы - қызыл жібектей.

Әдептілікті данадан үйрен.

Әдептіліктің белгісі иіліп сәлем бергені,
Жақындықтың белгісі көп кешікпей келгені.

Әдеп басы – тіл.

Әдеп пен құлақтың анасы – тіл.

Жаман қатын терісін жимайды да,
Жегізіп алып итті қинайды.

Әдепсіз жігіт жүгенсіз атқа ұқсайды.

Әдеп пен адамгершілік ана тіліңнен нәр алады.

Әдепсіз үйге кірме, әкімсіз елде тұрма.

Әдепті бала ата - анасын мақтатар,
Әдепсіз бала ата - анасын қақсатар.

Аға әдепті болса, іні әдепті,
Апа әдепті болса, сіңлі әдепті.

«Сіз» деген әдеп,
«Біз» деген көмек.

Әдепсіз өскен адамнан
Тәртіппен өскен тал жақсы.

Ұятсыз әйел – тұзсыз ас,
Әдепсіз жігіт – жүгенсіз ат.

Әдептің не екенін,
Әдепсіз адамды көргенде ұғарсың.

Өзек қуа ағады,
Өзен судың саласы.
Алыстан сәлем береді,
Әдепті елдің баласы.

Әдепті бала – арлы бала,
Әдепсіз бала – сорлы бала.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Ашық сабақ, Бастауыш, Информатика, Күнделікті сабақ жоспары, Русский язык, Сабақ жоспары, Тәуелсіздік, Физика, Химия, ана тілі, ашық тәрбие сағаты, ағылшын тілі, ағылшын тілінен сабақ жоспары, бала-бақша, балабақша, балабақшаға арналған, бастауыш сынып, баяндама, биология, география, дүниетану, ертеңгілік, математика, математикадан сабақ жоспары, презентация, сайыс, сайыс сабақ, сауат ашу, сценарий, тарих, технология, туған жер, тәрбие, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, әдебиет, әдебиеттік оқу

Барлық тегтерді көрсету