Сайтқа кіру Тіркелу
загрузка...

Дос, жолдас, жора туралы мақал-мәтелдер

Алыстағы досыңа
Ат берсең де жарасар,
Үйіне мініп барсын деп.
Жақындағы досыңа
Хат берсең де жарасар
Ұмытса есіне салсын деп.

Жас-жаран — ауыл ажары,
Дос-жаран — қауым ажары.

Дос — ажарың,
Жолдас — базарың.

Жалған достан — жау артық.

Өзің қандай болсаң, досың сондай.

Жақындай қимас —
Шын досыңмен сыйлас.

Егер біреу жолға шықса,
Аман барып, сау қайтсын.
Шын тілектес досы болса,
Сол тілеуді күнде айтсын.

Білімдар достан бір сақтан,
Білімсіз достан мың сақтан.

Дос құшағы — жаз!

Түлкі мінез адамдар,
Досты досқа жамандар.

Досыңа шапан кигізсең,
Ішік кигізді дейді.
Қасыңа ішік кигізсең
Шапан кигізді дейді.

Сырты жылтыр, іші бос,
Қуыршақпен болма дос!

Дәмді болса достық қымбат,
Мәнді болса жастық қымбат.

Аталы жау дос болмас.

Досыңмен айрылысқың келсе,
Атыңның майын бер.

Досқа ауырлығыңды салма,
Достан қарыз алма.

Асты көрсең, қадір тұт,
Досты көрсең, әділ тұт.

Тобылғылы шұбардан
Панасыз таудың несі артық?
Қадыр білмес туғаннан
Құныңды білер дос артық.

Аптада бір суға түспесең,
Тәніңді кір басады.
Аптада бір досыңмен сырласпасаң,
Жаныңды кір басады.

Ішерлік асың болсын,
Мінерлік атың болсын,
Істерлік ісің болсын,
Дос тұтқан кісің болсын.

Жоқ кездегі дос — дос,
Бар кездегі дос — бос.

Достың табанына кірген тікен,
Менің маңдайыма кірсін.

Мың дос көп,
Бір дос онан да көп,
Мың дос сырыңды шашады,
Бір дос мауқың басады.

Досыңа әзілді асырып айтсаң да,
Басынып айтпа.

Досты досқа қосқан — сауап,
Досты достан айырған — жауап...

Қорқақ жауды басындырады,
Досты ашындырады.

Пайдаңды басыңа қыл,
Басыңнан артылса, досыңа қыл.

Доссыз — көңіл тұл,
Махаббатсыз — өмір тұл.
Досы жоқ
Сырын кімге айтады?
Тыңдаушысы жоқ
Жырын кімге айтады?

Жаңа дос жаныңда жүргенде,
Ескі дос есіңде жүрсін.

Дос басқа
Дұшпан аяққа қарайды.

Ақыл — дос, ашу — дұшпан.

Досың аз, дұшпаның көп болса —
Зор боласың.
Ақылың аз, ашуың көп болса —
Қор боласың.

Жат асыңа қарайды,
Дос басыңа қарайды.

Аз қайғыны ас басады,
Көп қайғыны дос босады.

Қарның ашса қосқа бар,
Қайғың асса досқа бар.

Ер сүйгендей досың болсын,
Жер сүйгіндей қосың болсын.

Қас боп жүріп,
Дос болғанға мақтан.
Дос боп жүріп,
Қас болғаннан сақтан.

Достан сырыңды жасырма,
Дұшпанды басыңнан асырма.

Қасың менен досыңды
Қас-қабағы танытар.

Досыңа жібек көрпе төсеме,
Жаныңды төсе.
Қасыңа жібек көрпе төсе де
Қамшысымен отыңды көсе.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ашық тәрбие сағаты, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету