Сайтқа кіру Тіркелу

Емтихан сұрақтары

Павлодар облысы, Екібастұз қаласы,
Солнечный поселкесі, № 28 Абай атындағы жалпы
орта білім беретін мектептің
қазақ тілі мен әдебиет пән мұғалімі
Абилгаламова Айжан Кенжеханқызы

Қазақ тілі пәнінен 5 «А» сыныбына арналған жалпы аттестаттау емтихан материалдарына аннотация.

Қазақ тілі пәнінен 5 сыныпқа арналған қорытынды аттестаттау емтиханы ауызша ұйымдастырылған. Емтихан материалдары 25 билеттен тұрады. Әр билет 3 сұрақтан оның 2 - еуі теориялық, 1 - еуі практикалық сұрақтан тұрады. Тапсырма мемлекеттік стандарт бойынша: Лексика, Фонетика, Сөзжасам тараулары қамтылған. Сондай - ақ қазақ тілінің тереңдетілген бағдарламасының оқу материалдарына негізделіп құрылды.
Бағалау критерилері: билеттегі үш сұрақтың біреуіне дұрыс жауап берілсе -«3» бағасы қойылады, екі сұраққа дұрыс жауап берілсе –«4» бағасы қойылады, барлық тапсырма дұрыс орындалса - «5» бағасы қойылады.

Қазақ тілі пәніне арналған емтихан билеттері
5 - сынып

№1 билет
1. Лексика нені зерттейтін ғылым?
2. Сөздердің тура және ауыспалы мағынасы.
3. Берілген сөзден лексикалық мағынасы бар сөздер құрап жаз:
жазба, саналы, мейірім, келешек, достық.

№2 билет
1. Көп мағыналы сөздер.
2. Омонимдер. Анықтамасы, мысал келтір
3. Алтын, маржан, шырын сөздердің ауыспалы мағынада қолданып, сөз тіркесін құра.

№3 билет
1. Синонимдер. Анықтамасы, мысал келтір
2. Антонимдер. Анықтамасы, мысал келтір
3. Берілген омоним сөздерді қатыстырып, сөйлем құрап жаз: жүз, жар, қол, қой, сабақ.

№4 билет
1. Табу. Анықтамасы, мысал келтір
2. Эвфемизм, дисфемизм. Анықтамасы, мысал келтір
3. Биік, ашық, жаңа, сұлу, жас сөздеріне әр түрлі қолданыста бірнеше антоним тауып жаз.

№5 билет
1. Тұрақты тіркестер. Анықтамасы, мысал келтір
2. Мақал - мәтелдер туралы айт.
3. Төмендегі сөздерді эвфемизммен ауыстырып жаз: ұры, өсекші, боқмұрын, саңырау, соқыр, топас, мылқау.

№6 билет
1. Сөздік қор туралы айт.
2. Көнерген сөздер, оның түрлері. Анықтамасы, мысал келтір
3. Алыс, жуас, жас, сөзшең сөздерінің тұрақты тіркес түрінде синонимдері мен антонимдерін тап.

№ 7 билет
1. Қазақ тілінің сөздік құрамы
2. Жаңа сөздер. Мысал келтір.
3. Әр тақырыпта мақал - мәтелдерден мысал келтір.

№ 8 билет
1. Жалпылама лексика. Анықтамасы, мысал келтір.
2. Кірме сөздер. Анықтамасы, мысал келтір.
3. «Ғылым» сөзіне фонетикалық талдау.

№ 9 билет
1. Диалект сөздер. Анықтамасы, мысал келтір.
2. Кәсіби сөздер. Анықтамасы. Оның түрлері.
3. Берілген сөздердің әдеби тілдегі баламаларын тап: бәдірен, сым, атыз, тұқым, секер.

№10 билет
1. Термин сөздер. Анықтамасы. Оның түрлері.
2. Фонетика нені зерттейді?
3. «Кітап» сөзіне фонетикалық талдау жаса.

№11 билет
1. Қазақ әліпбиі туралы айт.
2. Дауысты дыбыстардың жіктелуі.
3. Менің бір жолдасым бар. Осы сөйлемдегі ашық және қысаң дауысты дыбыстарды бөліп жаз.

№12 билет
1. Дауыссыз дыбыстар. Оның түрлері.
2. Буын. Оның түрлері. Мысал келтір.
3. Алма апортының өзіндік тарихы бар. Осы сөйлемдегі дауыссыз дыбыстарды қатаң, ұяң, үнді түрлеріне қарай бөліп жаз.

№13 билет
1. Буын. Оның түрлері. Мысал келтір.
2. Тасымал.
3. Көкжиекке, ағараңдап деген сөздерді буынға бөліп, түрлерін көрсет.

№14 билет
1. Үндестік заңы. Оның түрлері. Мысал келтір.
2. Орфоэпия, орфография туралы айт.
3. Жапонияда жер жиі сілкінеді. Осы сөйлемнен жуан және жіңішке, аралас буынды сөздерді бөліп жаз.

№15 билет
1. Буын үндестігіне бағынбайтын қосымшалар туралы айт.
2. Екпін. Оның түрлері.
3. Чех, тарих, полюс, хирург сөздеріне қосымша жалғап жаз.

№16 билет
1. Сөз екпіні. Анықтамасы, мысал келтір.
2. Ашық буын туралы айт.
3. «Сынып» сөзіне фонетикалық талдау жаса.

№17 билет
1. Ой екпіні туралы айт.
2. Тұйық буын. Мысал келтір.
3. Бірде Әбу Насыр әл Фараби әмір сарайына барыпты. Осы сөйлемнен тұрлаулы мүшелерді тап.

№18 билет
1. Тіркес екпіні туралы айт.
2. Бітеу буын. Мысал келтір.
3. Сарайдағы әкімдер, ғалымдар, өнерпаздар көп жиналған екен. Осы сөйлемнен түбір мен қосымшаны ажырат.

№19 билет
1. Дыбыс екпіні.
2. Буын үндестігі. Анықтамасы. Мысал келтір.
3. Бесік, тарақ, сабақ, доп, қап сөздеріне қосымша жалғап қандай өзгерістерге түскенін айт.

№ 20 билет
1. Дыбыс үндестігі, ілгерінді ықпал. Мысал келтір.
2. Сөзжасам туралы айт.
3. Төмендегі сөздерді айтылуы бойынша жаз: бозша торғай, жүріскер, жүрек жұту, қаз табан, қайнар көз.

№ 21 билет
1. Дыбыс үндестігі, кейінді ықпал. Мысал келтір.
2. Лексикалық жолмен жасалған туынды сөздер.
3. Ата - бабаларымыз мал қамымен Арқадан Атырауға дейін көшіп, қонып жүре береді екен. Осы сөйлемдегі жалқы есімнің астын сыз.

№22 билет
1. Жұрнақтар жалғанған туынды сөздер. Мысал келтір.
2. Қысаң дауыстылардың жасалуы.
3. «Сәуле» сөзіне фонетикалық талдау.

№23 билет
1. Бірігу жолымен жасалған туынды сөздер. Мысал келтір.
2. Ашық дауыстылардың жазылуы.
3.«Жайлау» сөзіне фонетикалық талдау.

№24 билет
1. Тіркесу жолымен жасалған туынды сөздер. Мысал келтір.
2. Қатаң дауыссыздардың жасалуы.
3. Берілген сөздерге жұп дауыссыздардың (б - п) тиістісін жаз:.... айдасыз,... аласыз, са... ар, қа... ылда.

№25 билет
1. Қосарлану жолымен жасалған туынды сөздер. Мысал келтір.
2. Ұяң дауыссыздардың жасалу жолдары.
3. Жұрнақ арқылы бірнеше туынды сөздер жаса: сүз, көр, тас, өр, әдеп, жас, сан.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×