Сайтқа кіру Тіркелу
загрузка...

Жырымен жұртын оятқан

Өлең жазып жүрген талапкерлердің бәрін бірдей ақын дей алмаймыз. «Өлеңге әркімнің - ақ бар таласы, сонда да солардың бар таңдамасы», - дейді Абай. «Жүзден жүйрік шығады, мыңнан - тұлпар», - дейді халық даналығы. Жүзден жүйрік, мыңнан тұлпар шыққан нағыз ақындар тарихта сирек кездеседі. Сондай сирек кездесетін, нағыз табиғи дарынды қазақ ақындарының бірі - Мағжан Жұмабаев.

Мағжан таудай талантымен қоса жан - жақты терең білімді, жоғары мәдениетті, адамгершілігі зор, жаны таза, биік арлы, өнегелі интеллигент болған. Ол адамзат баласына бірдей бауырмал - гуманист, нәсіліне қарап алаламайтын адал жүрек, ақ көңіл - интернационалист. Осындай қасиеттің бәрі түгел болмаса, Мағжан тарихта мәңгі - бақи қалатын үлкен ақын да болмас еді.
Мағжан - қазақ поэзиясының саздылығын, әуезділігін арттырған, соған көңіл бөле отырып, арғысы француз, бергісі орыс символистерінің өлеңдерінен дәстүр тапқан ақын. Европа ақындарының шығармашылығындағы мөлдір бұлақтан сусындай отырып, оны қазақ поэзиясының сұлулығымен үндестіре білген ақын.

Мағжан қазақ поэзиясының жарық жұлдызы - ұлы Абайға еліктей отырып, ұлы ұстаз жолын ұстанғанымен, өзінше жол табудан әсте жалықпай, көп іздеген жан. Өлеңдеріндегі табиғат суреттері, оның тылсым шақтары, ақын көңіл күйімен, мұң - қайғысымен, қуаныш - шаттығымен қат - қабат келіп отырады. Осының бәрі тұтаса келіп суреттеп отырған дәуірдің бейнесін толық ашып береді. Мағжан поэзиясы жайлы Ж. Аймаутов былай деген екен: «Мағжанның қай өлеңі болса да қазақ әдебиетінің тарихынан қалайда сыбағалы орын алуы талассыз ақиқат».
Ақын өзін немесе өзінің лирикалық кейіпкерін ғана емес, айналасындағы жастарды да "арыстандай айбатты, жолбарыстай қайратты" қалыпта көргісі келеді. Халқының болашағы үшін күресетін негізгі күш – жастар. Олай болса, өмір бойы "алаш" ұранын көтеріп өткен Мағжан үшін жастардың орны бөлек. Өзінің "Мен жастарға сенемін" деп аталатын өлеңінде ол жас жеткіншектерге үлкен үмітпен қарайды. Жастардың бойынан қыранның қанатындай күштілікті, таза жүрек пен сүйкімді мінезді, туған жерге деген шексіз махаббатты көреді. Соған мақтанады. Шабыттана жырлайды. "Мен жастарға сенемін!" деп асқақтай сөйлейді. Мағжан жастарға арнаған сөзінде:
«Жастар! Алда жүрген, Алаш жолына аянбай қызмет қылған адал жүрек ағалардан үлгі, өнеге алыңдар. Елдіктен, ерліктен айырылып, екі жүз жылдай еңсесі түскен елді ойлаңдар. Күнді - түн, жақынды - жат, пайданы - зиян деп жүрген, толық саяси құқықтарын іздеп алуға ер жетіп, есі кірген елді ойлаңдар!» - дейді.
Арыстандай айбатты,
Жолбарыстай қайратты.
Қырандай күшті қанатты
Мен жастарға сенемін!..
... «Алаш» - айбынды ұраны,
Қасиетті Құраны.
Алаштың олар құрбаны,
Мен жастарға сенемін!
Тау суындай гүрілдер,
Айбынды Алаш елім дер.
Алтын Арқа жерім дер
Мен жастарға сенемін!..
... Мен сенемін жастарға!
Алаш атын аспанға
Шығарар олар бір таңда!
Мен жастарға сенемін!
Осындай ұранмен бүгінгі күнде Мағжан Жұмабаев атындағы Петропавл гуманитарлық колледжінде барлық мамандықтар бойынша «Мағжантану» факультатив сабағы бірнеше жылдар бойы жалғасып, өз нәтижесін көрсетіп келеді.
Мағжантану пәнінің мақсаты - жалынды ақын Мағжан Жұмабаев мұрасын жас ұрпаққа таныту, олардың азаматтық ұстанымының, ұлттық ой - санасының қалыптасуына ықпал ету.
Міндеттері:
1. Колледж оқушыларының ақын өмірі мен шығармашылығын тануға деген қызығушылықтарын арттыру, ақынның рухани мұрасын, ақын өмірі жайлы мәліметтерді игеруді насихаттау;
2. поэзияға деген сүйіспеншілік тудыру;
3. шығармашылыққа баулу;
4. Қазақстан Республикасының жастар бағдарламасын қолдау және ҚР - ның «Тілдер туралы» Заңын жүзеге асыру.
Мағжан әлемінің жұмбағын ашуға оқушыларын қызықтырып, сабақтың тартымды өтуіне көп көңіл бөліп отыратын пән оқытушысы Касенова Айман Капеновнаның еңбегі ерекше. Арнайы жасалған жоспар бойынша сабақтарда Мағжан өлеңдері кеңінен талданып, мазмұны ашылып, өлеңдері жатталады. Ақын сөзіне жазылған әндері айтылады. Әр оқушының ақын мұрасына деген көзқарасын кеңейтіп, шығармаларына деген сүйіспеншіліктерін арттыру үшін сабақ түрлі әдіс - тәсілдерді қолдану арқылы жүзеге асырылады. Жыл сайын сабақтарын нақтылау ретінде ашық сабақ көрсетіп тұрады. Облыстық, қалалық Мағжан шығармаларын жатқа оқу сайысында бірнеше жыл қатарынан оқушылары жүлделі орындарға ие болып келеді.
Мағжан поэзиясының көркемдігі жайлы Ж. Аймауытов былай деген екен:... Ол жүректің қобызын шерте біледі, жүрегінен жас қаны аралас шыққан тәтті сөздері өзгенің жүрегіне тәтті у себеді. Мағжан не жазса да сырлы, көркем, сәнді жазады. Оқушының жүрегіне әсер ете алмайтын құрғақ өлеңді, жабайы жырды Мағжаннан таба алмайсыз. Ол табиғатты суреттей ме, әйелді жаза ма, тарихи адамдарды ала ма, ертегі айта ма, ұран сала ма, бәрінде де ақынның ойлағаны, сезгені, жүрегінің қайғыруы, жанының күйзелуі, көңілінің кірбіңі көрініп тұрады». Ендеше:
Ғибрат аларлықтай кейінгі біз,
Ақындық дауысынан қалдырған із,
Поэзия әлеміне жарық берген,
Ұлы Абай болғанда, Мағжан – жұлдыз - дей
келе айтарым біздер үшін Мағжантану мәңгіге жалғаса бермек.
Кері қайту
Загрузка...
Ұқсас жаңалықтар:
Сиқырлы етік

Сиқырлы етік

Ақтөбе облысы, Темір ауданы, Кеңқияқ орта мектебінің 2"А"класс оқушысы Смағұлов Мағжан Байтақұлы Класс жетекші Турмагамбетова А. Ж....
Мағжан Жұмабаев – қазақ поэзиясының хантәңірі

Мағжан Жұмабаев – қазақ поэзиясының хантәңірі

Сабақтың мақсаты: 1. Білімділік: Мағжан Жұмабаевтың өмір жолы мен жазушылық қызметінен алған мағлұматтарын толықтыру, пысықтау...
Сыр сұхбат

Сыр сұхбат

ШҚО, Үржар ауданы, Келдімұрат ауылы «Благодарное орта мектебі» КММ Физика пәнінің мұғалімі: Тойшыбекова Күміс Қапашқызы...
ХІХ-ХХ ғасырлардағы Қазақ әдебиеті өкілдері (өмірбаяндық электронды оқулық)

ХІХ-ХХ ғасырлардағы Қазақ әдебиеті өкілдері (өмірбаяндық электронды оқулық)

ХІХ-ХХ ғасырлардағы Қазақ әдебиеті өкілдері (өмірбаяндық электронды оқулық) Өзбекстан, Қарақалпақстан Республикасы Мойнақ ауданы, Достық ауылы №18...
Мағжан Жұмабаев

Мағжан Жұмабаев

Мағжан Жұмабаев (1893-1938) Қазақ әдебиетінің ХХ ғасыр басындағы жарқын жұлдыздарының бірі – Мағжан Жұмабаев. өмірі мен өлеңі бір кезде аңызға...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ашық тәрбие сағаты, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету