Сайтқа кіру Тіркелу
загрузка...

Әр түрлі жұмбақтар жауабымен

Таңертең төрт аяқты,
Күндіз екі аяқты,
Кешке үш аяқты.
Адамның балалық, есі кірген, қартайған шағы

Барлығы бірдей саннан тұратын 5 тақ сандардың қосындысы 14 болса, бұл тақ сан қанша?
11+1+1+1=14

Жеті бауыр туыспыз
Атымыз өзге демесең,
Жұмған жұдырық уыспыз.
Апта күндері

Иілсең иіліп, түйілсең түйіліп,
Қарайды кісіге, ұқыпты ісіне. Бұл не?
Айна

Қолы жоқ, сөзі жоқ, бірақ тісі бар.
Басыңмен ісі бар. Бұл не?
Тарақ

Шомылған баланы,
Аймалап алады.
Сипайды қолын да,
Сипайды жонын да. Бұл не?
Сүлгі

Ертемен күнде сен,
Қолыңды сүйкесең,
Кетіп кір - ласың,
Тап - таза боласың.
Бұл не?
Сабын

Пайдаланып тұрғанда
Тастайсың суға лақтырып
Пайдаланып болған соң,
Арқалайсың сорғытып.
Ау

Көздері бар, қабағы жоқ,
Әсте кірпік қақпайды
Ол қай жәндік суға салсақ
Тұншықпайды, батпайды.
Балық

Бас, құлақ, мойны бар,
Үп - үлкен шанағы бар.
Әндетіп шығар әні бар,
Бұл аспап, қай аспап?
Қобыз

Жеті ішектен жеті түрлі үн шығар,
Әуезінен жеті тарау мұң шығар.
Ойнап кетсең түрлі - түрлі жыр шығар,
Бұл аспап, қай аспап?
Жетіген

Көз жасты – жылауық,
Келе жатыр бір алып.
Жабырқаса жылайды,
Жадыраса тарайды.
Бұлт

Алқызыл жоны түрленген,
Құйрығы шар үрленген.
Далада жортып жалтақтап,
Қулықпен күн көрген.
Түлкі

Көктемде ақ гүлге оранады,
Күзде қолға доп боп оралады.
Алма

Бақалшағы жоқ сыртында,
Үккісі бар ұртында.
Қорегін ұстар таяғы,
Арқанға ұқсас аяғы.
Сегізаяқ

Аяғы бар басы жоқ,
Тұлғасы бар қарны тоқ
Екі жақтау қорғаны,
Ол болмаса сорлады.
Айқұлақ

Аяғы, тұлға, басы бар,
Сыртында сауыт тасы бар..
Тағамға ұқсас атауы,
Шешуін оның табыңдар.
Ұлу

Келгенше шамасы
Аямайды көмегін.
Бар адамзат баласы
Содан алар көмегін.
Кітап

Қойған жеріңде жатады,
Қолыңа алсаң өзіңе тіл қатады.
Кітап

Бір сандық бар өзгеше,
Қолыңа алып жүресің.
Ішін ашып ақтарсаң
Өмір сырын білесің.
Кітап

Аппақ, бірақ сүт емес,
Аппақ, бірақ бор емес,
Аспаннан ол түседі,
Даланы ақпен жабады.
Қар

Бақшада піседі
Көп өнім береді.
Көкөніс

Жабағыны ұшырдым
Жерге моншақ түсірдім.
Жаңбыр

Гуілдейді құлаққа
Оны ешкім көрмейді.
Жел

Жиып - теріп болатын
Қанбаға астық толатын
Қызыл қырман ойнайтын
Қай мезгілде болатын?
Күз

Онда әкем - шешем тұрады,
Ата - әже бауырым.
Бәрі бірге қосылып,
Бір ұғымды құрады.
Отбасы

Төбесінде ебелек,
Ұшады өзі керемет.
Тікұшақ

Бір - ақ уыс көлемім
Шыбын - шіркей қорегім
Бау - бақшаны қорғаймын
Ал атым ше?
Торғаймын

Төртеуі келеді,
Төртеуі асылып тұрады
Екеуі жол көрсетеді
Екеуі иттен сақтайды.
Енді біреуі арттан асылып тұрады.
Сиыр

Биологияда бұл паразит,
Көзге зорға көрінер.
Информатикада өлшем бірлік,
Ақпаратты өлшер.
Бит

Ақпараттарды шығарады,
Бұл құрылғы қалай аталады?
Баспа құрылғысы, принтер

Төртбұрышты әйнек
Тұнып тұрған әлем.
Монитор

Жануарға ұқсас атым бар,
Бағдар көрсетер затым бар.
Кілемше үстінде тұрамын
Ең қажетті құралмын.
Компьютер тышқаны

Тұмсығымен қозғалар,
Соңынан аппақ із қалар.
Бор

Өзі арық, сөзі – әріп.
Қалам

Сөзі дана, үні жоқ,
Сөйлемейді тілі жоқ.
Қолыңа алсаң шешен,
Ақылы асқан көсем.
Кітап

Қар суы еріп, сай - салаға толады,
Жер көгеріп, бүршік атып,
Жайлау малға толады.
Бөбектерім айтыңдаршы,
Бұл қай кезде болады?
Көктем

Аппақ доп тауып
Шақырды ақ...
Тауық

Ағашта жабысып тұрады
Тұмсығын алмай ұрады.
Тоқылдақ
Кері қайту
Загрузка...
Ұқсас жаңалықтар:
Табиғат құбылыстары туралы жұмбақтар

Табиғат құбылыстары туралы жұмбақтар

Дәмі де жоқ, түсі жоқ Пайдаланбас кісі жоқ. Су Қара таудай буралар, Қара бұйра шудалар. Бура жерге шөгеді, Бұлау терін төгеді. Бұлт пен жаңбыр...
Табиғат туралы жұмбақтар (қыс, көктем, жаз, күз)

Табиғат туралы жұмбақтар (қыс, көктем, жаз, күз)

Бұлттар төніп, жерге төгіліп, Дымқыл тұман басады. Шөп сарғайып, өңі тайып, Дала нұры қашады. Ойнай алмай, Денең мұздап тоңады. (Күз )...
Кір қожалақпен Тазабектің бастан кешкендері

Кір қожалақпен Тазабектің бастан кешкендері

Мақсаты: Балаларға тазалық туралы түсінік бере отырып, жеке гигиеналарын сақтауға дағдыландыру. Денсаулық - басты байлық екенін ұғындыру....
Ұлттық аспаптар ән өнері

Ұлттық аспаптар ән өнері

Ақтөбе қаласы, №21 "Кәусар бұлақ" мектепке дейінгі гимназиясының музыка жетекшісі Жуматова Жансауле...
Таза болса деніміз

Таза болса деніміз

Мақсаты: 1. Оқушылардың тазалық, денсаулық туралы түсінігін кеңейту, өз денсаулықтарына, тазалықтарына ұқыпты қарауға тәрбиелеу....
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Абайдың қара сөздері, Ашық сабақ, Бастауыш, Информатика, Күнделікті сабақ жоспары, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ашық тәрбие сағаты, ағылшын тілі, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету