Сайтқа кіру Тіркелу
загрузка...

Ф ф дыбысы және әрпі

Сабақтың тақырыбы: Ф ф дыбысы және әрпі
Сабақтың мақсаты: а) білімділігі: оқушыларға Ф ф дыбысы мен әрпін таныту, оның сөз ішіндегі ерекшелігін меңгерту
ә) дамытушылығы: сөйлеу мәнерін, оқушылардың байланыстырып сөйлеу дағдыларын, сөздік қорларын, топпен жұмыс жасау қабілеттерін дамыту
б) тәрбиелілігі: Отанын, елін, жерін сүюге тәрбиелеу. Ұқыптылыққа, сауатты жазуға, оқуға дағдыландыру
Сабақтың түрі: жаңа білім беру
Әдісі: сұрақ - жауап, әңгімелеу, ойын ойнату, мадақтау, СТО стратегиялары
Көрнекілігі: мазмұнды суреттер, дыбыстық белгілер, кеспе әріптер, буындар, үлестірмелер, интерактивті тақта, слайдтар
Пәнаралық байланыс: тіл дамыту, дүниетану
Сабақтың жүру барысы:

I. Ұйымдастыру кезеңі
А) Оқушыларды түгендеу, сабаққа дайындығын әзірлеу, тексеру.
Үлкенге де сіз,
Кішіге де сіз,
Сәлем беріп сіздерге
Бас иеміз біз.
Ә) Психологиялық дайындық жұмысы
- Балалар, бүгін біздің сабағымызға қонақтар келіпті. Демек бұл сабағымыз жай сабақ емес, ерекше сабақ болып өткелі тұр.
Келгенше қонақ ұялады,
Келген соң үй іші ұялады, - демекші, біз ұятқа қалмауға тырысайық.

Б) Ой ашар
Қайырлы таң, достым,
Қайырлы күн болсын
Сәрсенбінің сәті
Сәттілікке толсын
Біздің алар бағамыз
Кіл бестіктер болсын
Сабақта бір - бірімізге сәттілік тілейік.

II. Үй тапсырмасын тексеру.
А) Ой сергіту. «Сөз ойла, тез ойла» ойыны (В дыбысына сөздер ойлау) Үш топқа бөлініп жарысу.
Ә) Вокзал мәтінін тізбектеп оқыту. Түсініктерін сұрау.
Б) Өткен дыбыстарды еске түсіру, дауысты, дауыссыз екенін ажырату

III. Жаңа сабақ.
Қызығушылығын ояту
А) Жұмбақтар оқу, шешу.
1. Қыста дем алып, жазда тынбайды,
Көкке атылып жерге құлайды. (фонтан)
2. Өңкей сығай екі топта,
Таласып жүр бір допқа (футболшы)
3. Жасыл желек көгалда,
Бірде артқа,
Бірде алға,
Желаяқ көп бала
Таласып жүр бір шарға (футболшылар)
- Сонымен, сиқырлы әріптер әлемі бүгін бізді қандай дыбыспен таныстырды?
- Қәне, айтып көрейікші?- Ф - ф
- Қандай дыбыс? Неге дауыссыз дыбыс?
- Ф дыбысын қай үйге орналастырамыз?
Ф әрпінің баспа және жазба түрімен таныстыру.
Ә) Ф әрпіне байланысты суретпен жұмыс

Ф дыбысы бар сөздерді суреттен табу, дыбыстық талдау жасау, оларды буынға бөлдіріп, Ф дыбысының сөздің қай жерлерінде кездесетінін оқушыларға анықтату.
Ф дыбысынан басталатын адам аттарына мысал ойлау
Ежелгі Отырар қаласында тұрған қазақтың математик ғалымы Әл - Фараби туралы айтып өту:
Әлемге аты тараған
Отырарда тұрағы
Әл - Фараби дана адам
Ілімнің сөнбес шырағы.

IV. Сергіту сәті
Футбол деген ойынға
Барлық бала құмар - ақ
Бірақ жолдың бойында
Доп теппеңдер қуалап
V. Кітаппен жұмыс.
А) ф дыбысы бар сөздерді оқып, сурет бойынша әңгімелеу.
Сөздерді буындап, тұтас оқуға үйрету, түсініксіз сөздерге талдау жасау,
Ә) Интерактивті тақтадан телефон түрлерін көрсету, өту.

Б)«Фабрикада» суретімен жұмыс жүргізу.
Тірек сөздерді пайдаланып сөйлемдер құрату.
Аяқкиімнің түрлерін анықтату.
VI. Жазу дәптерімен жұмыс.
А) Ф ф әрпінің жазба түрімен таныстыру.
Қос бүйірін таянып, тұратұғын қай әріп?
Ә) Ф әрпінің баспа, жазба түрімен таныстыру
Б) Тақтада жазылуын көрсету, түсіндіру
В) ф әрпін ауада жазып көріп, дәптерге жазу.

Сергіту сәті:
1, 2, 3
Бойға жинап күш
Қолға қалам аламыз
Әсем етіп жазамыз
Г) Дәптермен жұмыс, отыру ережесі.
Ғ) Бір жол кіші әріп, бір жол бас әріп.
VII. Шығармашылық тапсырмалар:
А) Сөздерді сызықшамен буынға бөліп көрсет, дыбыстардың астын дауысты, дауыссызға тән шартты белгімен көрсет.
Футбол, ферма, телефон, фабрика
Ә) Сөзде неше әріп бар екенін цифрмен көрсет:
Туфли, фирма, факс, физика, марафон.
Б) Қай әріпті жоғалттым? ойыны
Қай буынды жоғалттым? ойыны
В) «Адасқан әріптер» ойыны ф м а с б т к р о н е

VIII. Сабақты бекіту
«Жалғасын тап» ойыны.
Шарларға буындар жазылған. Шар ұстаған бала шарында жазылған буынның жалғасын табуы қажет.

IX. Сабақты қорытындылау.
- Сонымен қандай жаңа дыбыспен таныстық? - ф дыбысы қандай дыбыс? - ф дыбысы сөздің қай жерлерінде кездеседі?- ф дыбысы бар сөздерге мысал келтіру.
X. Марапаттау
XI. Үйге тапсырма: Ф дыбысы берілген бетті оқу.

Атырау қаласы. №35 мектеп - гимназиясы
Мухадиева Жанат Шәріпқызы
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ашық тәрбие сағаты, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету