Сайтқа кіру Тіркелу

Табиғаттағы су

Дүниетану, 2 - сынып
Сабақтың тақырыбы Табиғаттағы су.
Сабақтың мақсаты:
1. Білімділік мақсаты: Табиғаттағы су туралы мағлұмат бере отырып, алған білімдерін күнделікті өмірден білетіндерімен байланыстыра, салыстыра білуге үйрету.
2. Дамытушылық мақсаты: Судың адам өміріндегі маңызы, оны қорғау туралы ойларын білу, ой - өрістерін арттыру, шығармашылық қабілеттерін шыңдау.
3. Тәрбиелік мақсаты: Адамгершілікке, табиғаттың жанашыры бола білуге, әр нәрсені үнемдеудің тиімділігін түсінуге тәрбиелеу.

Сабақтың түрі: жаңа білімді меңгерту сабағы
Сабақтың әдісі: сұрақ - жауап, ой жинақтау, түсіндіру, көрнекілік.
Көрнекілігі: жарты шарлар картасы, шыны ыдыс, су, мұз.
Пәнаралық байланыс: ана тілі, қазақ тілі, математика, музыка.

Сабақтың жүрісі:
I Ұйымдастыру бөлімі
Оқушылардың назарын сабаққа аудару.
II Жаңа сабақ
1. «Ой қозғау» стратегиясы
Оқушылардан су туралы білетіндері сұралады.
Су - түссіз, мөлдір, сұйық, ағады, жұғады, т. б.
2. Оқулықпен жұмыс Картадан су алып жатқан жерлерді көрсету. Жайық өзені туралы түсінік беріледі.
«Жайық» сөзіне сатылай кешенді талдау.
1. Анықтама
2. Тану.
2 - 1. Географиялық орны
2 - 2. Ағысы
2 - 3. Қоректенуі
3. Салыстыру
4. Экологиясы
5. Нәтиже

3. Шығармашылық жұмыс
«3» санына сатылай кешенді талдау.
Есіңде сақта!
Су - табиғат байлығы, тіршіліктің қайнар көзі.
Жердегі тіршілік және табиғат құбылыстары сумен байланысты екенін оқушылар өзара талдайды.
4. «Сен білесің бе?» айдары бойынша оқушыларға парақшалар таратылады.

Су туралы таңғажайып деректер
1. Әр адам тәулігіне тамаққа және ішуге 2 - 3 литр су жұмсайды. Соңғы зерттеулер бойынша адам организмінің 2/3 бөлігі судан тұрады. Краннан 1 кесе су алдың.
- Суды ішуге бола ма?
- Жоқ.
- Неге ішуге болмайды?
- Себебі су құбырларын тат басады, тесіледі, сол жерлерден ластанған, уланған судың ішінде түрлі микробтар, улы заттар болады.
2. Жердің 3/4 бөлігін су алып жатыр. Мұхиттар бүкіл жердің 97% суын құрайды және үшеуі бірігіп (Тынық, Атлант, Үнді) 350млн. Шаршы км. Аумақты алып жатыр.
3. Дүние жүзіндегі ең үлкен мұхит - Тынық мұхиты. Әлемдегі ең үлкен көл - Каспий теңізі.
4. Осы күні мұз болып жатқан Солтүстік Мұзды мұхиты 5 млн жыл бұрын алып көлге ұқсап, оның суы тұзсыз, пайдалануға жарайтын болған. 2004 жылы мұхит түбін бұрғылау арқылы алынған үлгілерді зерттеген ғалымдар осындай қорытындыға келді.

5. Сергіту сәті
Елді сүйген баламыз,
Білімнен нұр шашамыз.
Әлкей, Қаныш атадай
Көп жаңалық ашамыз.
Біз талапты баламыз,
Оқып - білім аламыз.
Судың сырын ұғынып,
Есте сақтай аламыз.

6.«Ойлайық та ойнайық»
Берілген өлеңнің ұйқасын табу
Су дегенің немене?
Достым білгің ------- ме?
Су --------- баласы,
Су - ------- анасы.
Сусыз - ----------
Жоқ болса
Дейміз оны
---------- жұмса!
Керекті сөздер: үнемдеп, келе, тіршілік, өмір, табиғат.

7. Сарамандық жұмыс
- Балалар, жаңбыр жауды. Жаңбырдың суы қайда кетті?
- Топыраққа сіңіп кетті.
Топырақ қабатынан өткен су сүзіліп тазарады.
Оқушылар тәжірибе жасайды.

Қорытынды: Су сүзіледі.
8. «Кім көп біледі?» ойыны
Суға байланысты мақал - мәтелдер айтып жарысады.
Судың да сұрауы бар.
Су - тіршілік көзі, т. б.
9. Дәптермен жұмыс
Су сөзіне математикалық тәсілмен дыбыстық мінездеме беру.

III Қорытынды.
- Судың үш түрлі күйі.
- Су қандай жағдайда буға айналады?
- Қандай температурада су сұйық күйден қатты күйге айналады.

IV Үйге тапсырма беру: «Мен суды қорғауға дайынмын» тақырыбында ой толғау жазу.
V Бағалау. Сабаққа белсене қатысқан оқушыларды бағалау.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×