Би өнердің ғажап түрі

Білім беру саласы: Шығармашылық
Ұйымдастырылған оқу іс - әрекеті: Музыка
Тақырыбы: «Би өнердің ғажап түрі»

Мақсаты: Кішкентай бүлдіршіндерді би өнеріне баулу, икемділіктерін байқау, қызығушылықтарын арттыру. Би өнері туралы мағлұмат беру.

Көрнекілігі: слайд, суреттер.
Сабақ барысы:
Қайырлы күн ұстазым, Қайырлы күн достарым.

Шаттық шеңбері. Балалар ортаға шеңбер құрып тұра қалайық. Мен сіздерге бірнеше сурет көрсетемін. Егер суретте «күн» бейнеленсе, бір - бірімізге күлімдей қараймыз, «алақан»бейнеленсе, қолымызды қысып амандасамыз,«жүрек» бейнеленсе, құшақтасамыз.

Би өнері туралы мағлұмат беру.
Би - өнердің ғажап түрі. Бишілер өз биімен кейіпкерлердің мінез - болмысын, ой - сезімін, көніл - күйі мен іс - әрекетін ашып бейнелейді.
БИ өнерінің адам денсаулығына пайдасы өте зор. Би кезінде қолданылған қимылдардың барлығының да денсаулыққа пайдасы өте көп.

- Ең алғашқы қазақ биінің ханшайымы кім болған екен?
- Шара Жиенқұлова апайымыз.
- Дұрыс айтасыңдар.
- Балалар биді орындайтын адамды кім деп атаймыз?
- Биші.
- Жарайсыңдар!
- Біз әр ұлттардың биін білеміз, үйрендік, оларды киімдерінен, қимылдарынан ажырата аламыз. Қане, енді мына суреттерге қарап айтып көрейік.
1. Қазақ халқының биі.
2. Орыс халқының биі.
3. Өзбек халқының биі.
4. Грузин халқының биі лезгинка.
5. Испан халқының биі.
6. Тәжік халқының биі.
7. Түрік халқының биі.
8. Үнді халқының биі.
9. Қара жорға биі.
- Біз сонда 10 ға жуық ұлттық билерді біледі екенбіз. Жарайсыңдар! Енді сергіту сәтін орындап алайық.
Сергіту сәті.
- Бойларымыз сергіп қалса, бір биді қалай үйренеміз, соны көрсетейік. Би үйренудің өзі бірнеше бөлімнен тұрады. Ең бірінші биді бастамас бұрын оған музыка таңдап алынады. Сол музыкаға сай қимылдарды үйренеміз. Биді үйрену үшін алдымен біз дайындалып аламыз, ол үшін не істейміз балалар?
- Жаттығу жасаймыз.
- Иә, жаттығу жасап, денемізді биге дайындаймыз, икемдейміз. Енді мына суреттегі балаларға қарап жаттығуларын орындайық.
(Жаттығулар орындалады.)

- Денемізді биге дайындағаннан кейін, бір қимылды 1, 2, 3, 4 ке санап үйренеміз. (Қимылдар орындап көрсетіледі.)
- Осылай жалғастырып, биді аяғына дейін үйренеміз. Барлығын толық үйреніп болған соң ғана, музыка ырғағына салып орындаймыз. Жәй ырғақта болса нәзік, әдемі орындаймыз. Ал ырғағы тез болса шапшаң қимылдауға үйренеміз.

- Балалар сабағымыз сендерге ұнады ма?
- Би билеген ұнай ма сендерге?
- Кім өскенде биші болғысы келеді?
- Бүгінгі сабақтан не үйрендік?
- Жарайсыңдар!
Әр күнің ашық болсын!
Жүздерің жарқын болсын!
Талаптарың таудай болып,
Өнерлерің үстем болсын! - деген тілекпен сабағымызды аяқтаймыз.

Сау болыңыздар!