Сайтқа кіру Тіркелу
загрузка...

Мамандығым-мақтанышым

«Мамандығым - мақтанышым»
Балабақша – базарлы үй,
Қаладағы ажарлы үй.
Күлкісі бар шуақты
Өз үйіміз сияқты....
Иә, балабақша – балалық шақтың бақытты мекені іспетті. Алайда, бүгінгі күні ата – анадан кейінгі бала тәрбиесіне жауапты сол бір «бақытты мекеннің» тәрбиешілері.
Мен де сол бақытты мекеннің тәрбиешісі болуға осыдан 11 жыл бұрын бел будым. Арманым орындалып, Петропавл қаласының Мағжан Жұмабаев атындағы гуманитарлық колледжінің «Мектепке дейінгі оқыту және тәрбиелеу» мамандығы бойынша оқуға түстім. Көзді ашып - жұмғанша 4 жылдық оқуым аяқталып, енді сол оқыту орнында алған білімімді бүлдіршіндерге үйрету жолында «Балдәурен» бөбекжай – бақшасына тәрбиеші болып қызметке орналастым. Содан міне, 7 жыл бойы «Ұстаздық еткен жалықпас, үйретуден балаға» деп Абай атамыз айтқандай жалықпай жұмыс атқарып келемін.
Ата – әжесінің, әке – шешесінің құшағында еркелеп өсіп, 2 жасқа толған балаларды ата – аналары білім алсын, өссін, ой – санасы жетілсін деп балабақшаға әкеліп тапсырады. Сол кішкентай ғана бүлдіршіннің көңілін тауып, тұлға болып қалыптасуына үлкен үлес қосатын – тәрбиеші. Тәрбиеші! Бұл әрдайым үлкен әріппен жазылуы тиіс мазмұнды да, мағыналы мамандық деп білемін. Себебі, бұл мамандық иесі болу барлығының қолынан келе бермейді. Өйткені, тәрбиеші тек қана балалармен емес, сонымен қатар ата – аналармен де жұмыс жасай алуы қажет.
Балабақша балалары болашақ иесі болғандықтан балабақша тәрбиешілері дүниежүзілік, мәдениетті танитын, өзінің төл мәдениетін білетін, сыйлайтын, рухани дүниесі жоғары білікті маман болуы міндетті. Ата – бабаларымыздың ғасырлар бойы жинақтаған тәжірибесін, мәдениетін бүлдіршіндердің бойына саналы сіңіріп, қоршаған ортадағы қарым – қатынасын, мінез – құлқын, өмірге деген көзқарасын, бағытын дұрыс қалыптастыру тәрбиеге, тәрбиешіге байланысты.
«Балдәурен» бөбекжай – бақшасында 14 топ жұмыс атқарады. Адамгершілік тәрбиесі мол, білім беру үрдісінде әр түрлі іс – әрекеттер пайдаланатын мамандар. Олар балалармен ойынның әр түрін ұйымдастыра отырып, бір – біріне деген қайырымдылық, мейірімділік, жанашырлық, достық, жолдастық сезімдерді тәрбиелейді. Балаларды қоршаған ортамен таныстырып, сөйлеуді дамыту, экология, сурет салу, мүсіндеу сабақтарында өлі – тірі табиғатқа деген сүйіспеншілік, үлкендердің еңбегіне қызығу мен сыйластық, адамгершілік сапаларын қалыптастырады. Шығармашылыққа баулитын қосымша би үйірмесі, сондай – ақ суда жүзу арқылы баланың шыдамдылыққа, төзімділікке тән сипаттар біздің бөбекжай – балабақшасынан нәр алып өсіп – өніп келеді.
Міне қызығы мен қиыншылығы бірге жүретін мамандық иесі болғаныма мен еш өкінбеймін. Болашақта өз тәрбиеленушілерімді биік белестерден көріп жатсам, сол үшін өзімнің аз да болса үлесім тиіп жатса, мен өзімді бақытты тәрбиеші, бақытты жанмын деп білемін.
Кері қайту
Ұқсас жаңалықтар:
Балабақша мен отбасы - бұл баланың өмір сүру ортасы

Балабақша мен отбасы - бұл баланың өмір сүру ортасы

«Тәрбиелі - тәртіптің құлы, тәртіпті - елдің ұлы» деп, халық қаһарманы Б. Момышұлы айтқандай, еліміздің ертеңгі болашағы жас буынды имандылық пен...
Мамандығым-мақтанышым (Эссе)

Мамандығым-мақтанышым (Эссе)

Мен балабақшада әдіскер болып жұмыс жасағаныма еш өкінбеймін. Менің ұғымымда, алдымыздағы әрбір бала қайталанбас бір ғажайып әлем десек, сол...
Отбасымен педагогикалық ынтымақтастық

Отбасымен педагогикалық ынтымақтастық

Атырау қаласы, №8 «Ақбота» шипа - жай типті бөбекжай – балабақшасының әдіскері Имангалиева Айгул Лукпановна...
Білім күніне арналған салтанатты шара, Сыңғырла, күміс қоңырау

Білім күніне арналған салтанатты шара, Сыңғырла, күміс қоңырау

1 қыркүйек - Білім күніне арналған салтанатты шара Мақсаты: 1. бүлдіршіндерге Білім күні мерекесінің мән - мағынасын ұғындыру; 2. сахналық мәдениетін...
Қызығы мен қиындығы қатар жүретін сүйікті мамандығым

Қызығы мен қиындығы қатар жүретін сүйікті мамандығым

Ақтөбе облысы, Мұғалжар ауданы, Ембі қаласы, "Жұлдыз" балабақшасы Тақырыбы: Қызығы мен қиындығы қатар жүретін сүйікті мамандығым Тәрбиеші: Кушкарова...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ашық тәрбие сағаты, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету